اروع ابوذيات عراقية 2014
اصيرن جفن لاحبابي وظل عين
واظل بالشده واكفلك وظل عين
ست اعظام اكسرلك وظلعين
سويهن جسر واتمر عليه
عليمن يا جدم سيرت و اخطيت
شكثر مني حملة ذنوب واخطيت
عمت عيني رميت خشف واخطيت
غشيم وردت الجيله عليه
سکاره احنه بهواکم ماصحينه
مطرنه ادموع الکم ماصحينه
شکثر يوجع جرحکم ماصحينه
نحبکم واليحب يحمل اذيه
رحتو بعيد وحنه الكم شعرنة
مشيتو ولا بعدينفع شعرنة
اجذب لو كلت ابيض شعرنة
شعرنة الطاح من رحتو من ديه
جمالك مالكيتة بكل دول اسيا
ونيران حبك بالكلب اسيا
اذا خلصت رصيد بكارت اسيا
اتصل من زين لضمه عليه
لو يسمع بكاي البوم ماناح
وضل طول العمر سكران ماناح
لو مانتم عزاز علي مانح
على صدري واكشم بلذياب
حبيبي اهلا بك في قلبي وسهلا
ارد اصيرن وادي لعيونك وسهلا
ريت اختبارك يكون حلو وسهلا
ولاتحتاج لبراشيم واذية
**************************************************