من اروع واجمل ابوذيات الغزل
ها ناح الكَلب ها صـرخ ها ون
ها وينك صرت محبوبي ها ويـن
حبيبي انه وضرب عالكَلب هاون
فجرني وكَعد يبجي علــيه
حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية
مثل جنح الفراشه شفاك ورقه
وربيع الشوك منك راد ورقه
كل بوسه حبيبي اطيك ورقه
واذا حلك ابحلك دفتر هديه
سكر كأس الخمر من ضاك نفسك
واكو غيرك حلو بس ماكو نفسك
اريدك يا حبيبي اتبوس نفسك
بس ابداخلك تنويها اليه
سهام عينك بكلبي حيل شرعا
وسفن حبك بخليج الروح شرعا
وردت مذهب يحلل بوس شرعا
واذا ماكو ارد للجاهليه
غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية
نشم عطرك ياغالي من هوأنه
ونحب كلمن يحبنه ومن هوأنه
اشتظن اكدر اعوفك منهو أنه
اذا عفتك مصيبه تحل عليه
يراهى الطول طولك من رهاته
حط اه بدليلى مرهاته
ولك ليديه جفك مره هاته
ولو بالغلط خلى ايدك بديه
يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه
كلبي مافرح عكـــــــــــبك ولاسار
وجدمي ماخطى الغيرك ولاسار
اخبرك مابقت جلمه ولاسار
فضحني الدمع من غصـــبن عليه
جفك ارد اضوكن مستـــــــمرة
وغيرك لو يمسني مســــــتمرة
يبو الضحكة البوجهك مستمرة
مسني واكطع الحجة علــــــــية
احبك مو فقط تــــــــاكيد والا
يحبي مو زمــــان الفات ولة
اريد اسال نسيت اهواك ولة
عفتني وفــــضلت اخر علية
شعرك سرح عينن مــــــاي راشي
وعسى رمشي بدونك ما يرى شي
كلي الفوك شـــــــفتك ماي؟راشي؟
ردت اتضوكة واغمي عـــــــــــلية
عيوني قبل كلبي كلمنــــــــكم
وانة المايوم كلبي كل مـــنكم
وانة اللي صار بية كلة منكم
لان انتم لعبتم طوبــــــــة بية
سهم هجرك بلب حشاي وسم
يخايب ليش بية تبيع وتسوم
اخير الروح بين الخنك والسم
سم وخنك رادتهن سوية....
سكر كأس الخمر من ضاك نفسك
واكو غيرك حلو بس ماكو نفسك
اريدك يا حبيبي اتبوس نفسك
بس ابداخلك تنويها اليه
حزن غير المصايب فاتحت من
وسهمك وسط كلبي فات حتمن
كتلتني وجاي تنشد فاتحتة من
ولا جنك فتت جناز بيه
يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه
تلوعنة وشفنه كل حلاوتهم ومرهم
تعال اسمع ون النايات وون عود
يخويه امشي نرد للوطن ونعود
اذا باجر متت بالغربه ون عود
وتظل ابعيد عن ارض الوطيه
روحي من الهجر عجزت ولابت
حلفت بدار ماأنزل ولا بيت
ذكرك مابقى بقلبي ولا بد
انكطعت من كطعت الوصل بية
تلوج الروح ياأحبــابي وراكم
وعجاج الضعن سد عيني وراكَم
يدمرني الحلم بيكم وراكم
ويريت الحلم واليقــضه سويه.
وسط گلبي يظل طابع وسمهه
عسل صافي حلو مرهاوسمهه
صفيت متيه باسمي وسمهه
لان هيه النجم واني الثريه
الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه
احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية
اضل انطر خيالك وفطر
غيابك للكلب هدم وفطر
صايم كظيت العمر وفطر
اذا شخصك يمر يا روحي بيه
نسيت وتيهت روحي وهم بيك
خويت وضيعت ناسي وهم بيك
وحسافة العمر كضيتة
والروح تمشي على طوعهم وأمرهم
حبيبي دوه لجروحي ومرهم
تمنيته يجي ويحن عليه
همت وانسلب عكلي وزاد مرضاي
على المر ماشفت شخصة مر ضاي
لون بات الترف بحشاي مرضاي
لكه اكرب يهل مبعد علية
بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية
لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
سماح اطلب انا المنكم وهدنــــه
كمش بيد التعورنه وهدنــــــــه
جبل راكَع خجل جيتك وهدنـــــــه
اصير اتراب ونته اسحكَ عليه
وحك رمضان وأشرافه وكتبه
عليك يهل دمع عيني وكتبه
انه شماريد أهم خطك واكتبه
شدهني جفاك من غصبن عليه
وحگ اعيونك ورسمك وداعك
وحگ جلماتك الحلوه وداعك
يصاحب فرهَد ابروحي وداعك
انتلف ثلثين والباقي باذيه
