يا عراق شلون بالله يا عراق
يا عراق شلون بالله يا عراق
ادري شعبك ما يعرف الراحة
نفط ماكو ..وغاز ماكو
شلون بالله البيضة نسلكها نتل!!؟
لو نخدرالجاي عالجداحة؟
شلون بالله نكوم نطبخ على الشمس
ومن يجي الخطار شنحطله جبس !!
لونريكه نستلة وتفاحة!!
والوهابية الجماعة محزمين
بكل وكت تلكاهم انته مفخخين
عالذبح عاشوا ورهموا عالخمط
عدهم انصار التفجر الكهرباء... وعدهم انصار التفجر بالنفط
والشعب بالضيم عايش يا عراق... نصها سكر صار بيها ونص ضغط
والرفاق الجانوا بعهد الرئيس هيئةسووا للسلب والاختطاف
تعرف بهيئة رفاق المسلمين
عدهم الزرقاوي من بعد الرسول ونصبوه طبعا امير المؤمنين
هيئة كل نص ساعة ينطونك جهاد هاك حزمة وروح فجر بالحسين
الشيعي ذبحه وروح ادخل للجنان هناكه يحتضنك اله العالمين
روح فجر روحك او لحك بساع
تعشه يم جدنا رسول الله الامين
شعنده مطعم غاد بالجنة الرسول!!
تريد تتعشى معاه يبنالزفر!
وانت كنتاكي ينزلولك تريد وتكعد بصف ميز عثمان او عمر
منو كلك اكو مطعم بالسما ؟!
ومنو كلك غاد طبخة ومغنمة
ادري هذا شعبك ليش تفلشه ؟
وانته امك ما تسويلك عشا
وعلى مود الاكل رايد تنتحر!!
ليش يبن الزنا فجرت الجموع
انت لو كايلي.. اعزم ك بالشموع
والله بالعباس انزلك جدر
نوب انصحك من تفجر من وكت
يعني احسن وكت بالوحدةالظهر
وانته تعرف غاد هم ماكو امان
ومطعم الجنة يعزل من عصر
وخاف تتأخر يطردونك اكيد
يم جهنم روح وادخلها بأمان
ذوله ما يعزلون للستة الفجر
مطعم الحجاج تلكاهب الركن
والشمر بالوسطة سواله فرن
هناك ابو سفيان بس اسال عليه
مدكدك تشوفه وماخذعالسجن
كل عمامك غاد تلقاهم اكيد
تلقى جدك حرملة وجدك يزيد
وانت وياهم ترى متساوي
انت نفس الدعوة دعوة قطع روس
وهاي دعوة اتلبي بس العاوي
م ن
**************************************************
