قصيدة ياعيد الاشوفه
ياعيد الاشوفه الشاعره وجدان الواسطي
يا عيـــــد الاشــوفه ودمعـي عالوجنات
وزعـــــلان الرمـــــش ومكحل بطرفه
يجـــــــــــذور التـرافه مــزعل الرمان
يلمتــــــــعب العـسل ناطـور عالشـفه
ياكـسر الشمـــس بالرصعــه نـور ونار
هم شــايف شمــس ضهريه بي تطفه
تتغــزل شفـــافك بيــــك معــجب بيك
ويا ظفـــه شفـــــــافك تشتــهي الظفه
ياطـول الفــرح يا غصــن جــن لبلاب
ياوصــــــف الاوصـف انتــه يا وصفه
سألتـنـي الشـــفايف زعـــــــلت عليك
يل مــــالك شغـــــل بكليبـــــي ونزفه
ترف كلك تـرف تنــشاف بيـــك الروح
من كثــــر التــرافــه رويحتـــــك ترفه
يا اول عشـــك زعــــلان باجــر عــيد
شو جنــــك حبيـــبي مضيـــع العرفه
الشاعره وجدان الواسطي
**************************************************
