من سوالف اهلنه
اكو شياب اثنين
واحد اسمه جابر
والثاني اسمه سالم
يگعدون بالباب ويشربون چاي ويسولفون ويضحكون
ويوميه واحد يسير على الثاني
وكانت مسافه الطريق بيناتهم ساعه تقريبا
بيوم من الايام
سالم گال لجابر خويه انا هالايام رجليه مايعينني
ما اگدر يوميه رايح جاي
ومن باچر انت اللي تجي عليه
موماتجي طبعا جابر اكبر من سالم بالعمر
ومن راد يگوم سالم ايريد يروح لهله
جابر گله خويه سالم اشو انا هم هالايام گلبي يوجعني واختنك اهوايه
گاله سالم هااا خويه بدينه من هسه لا اسويلك سالفه حته ماتجي
ذاك اليوم تمرض جابر وصار طريح الفراش
واخذوه للطبيب وبعد الفحص
گله حجي عندك ذبحه صدرية ولازم ما تتحرك من فراشك
وظل سالم ينتظر يوم وره يوم
وجابر لاحس ولا خبر
فدزله واحد لمنطقته
گله عمي سالم يسلم عليك وهاي ورقه دزه الك
ويريدك ترد الجواب هنا
بدأ المناوب بيناتهم لمده ست ايام . .
كتب سالم
ظليـت الـوب اعليـك يـاجـابـر اشصـار
شوكلبي احس ملجوم وديلي الاخبار
رد جابراليوم الثاني
ياخبـر يامكتـوب گـلـي شـأودي
هذا الوكت بذات ونكلب ضدي
رد سالم اليوم الثالث
شنهي الوكت ياخويه معقوله دگاك
جـابـر وعـرفـك زيـن مايـلـعـب اويـاك
رد جابر اليوم الرابع
اي والله سالم حيل طگني الوكت ذاك
خــلانـي مـامــر بـيـك مـااگـعــد أحــذاك
رد سالم اليوم الخامس
جايك يـجـابـر معـتـنـي لـك جـاي
متعود اله اوياك انه اشرب الجاي
رد جابر اليوم السادس
اهـلا وســهــلا بــيــك تــوه الالـم راح
صدگني بس وياك گلبي انه يرتاح
**************************************************
