أفكر بيك صدك عايش بحركه.

أفكر بيك صدك عايش بحركه
واذا واحد ذكر اسمك يهزني الشوك
واحس كل الخلايه بجسمي محتركه
بعدهه ايدييه ترجف من يمر طاريك
وبعدهه الروح ضلت بيك متعلكه
تذكر جنت اشبكـك وانصعق بيديك
واسافر للشمس من تكبر الشبكه
باوع جفك الجنت انه ابوسه هواي
هم تذكرني لو غيرتك الفركه ؟؟
بوساتك بعدهه بجفي يمي تبات
وعطرك بعده يصعد بييه كل شهكه
غلط صار وكبر فرقنه ليش شلون
طحنه وللأسف وركه بأثر وركه
وي نفسي شكثر مرات احجي اعليك
وأرد ارجع واكولن هو هم حكه
تعب خلكي شكثر تعبني التفكير

خلكي من التعب مل حته من خلكه
انه اتنازلتلــك وبجروحي ارضيت
لان شفتك صدك مرتاح بالفركه
اريد الخير الك وتحب بعد وتعيش
ومرسومه تضل بشفافك الضحكه
خل يبقه الحزن طلقه ويه كلبي تنام
وخل يبقه الزمن شايل علي تفكــــه
باجر تعشك ويهواك غير انسان
واذا كلك يحبك مثلي لـــتصدكه
نعم تلكه اليحبك وانه اضن الكيت
بس كد ماهويتك واللــــــــه ماتلكه
اكثر من ابوك وامك انه اهواك
واضن باين علييه بساعة الملـــكه
خلص هسه انتهينه وعمري صار كتاب
خليه اعله رفك ... والمهم طبكه
ضل اسمك نبض فاضحني صبح وليل
يدك بكلبي سيف وتجرح الدكه
شصير لو كلبك يحن ولكلبي ترحم حاله
شيصير لو بيدك تمس نبظه وتشوف شماله
يا ناس هم شفتو قبل بالحب مثل هالحاله
المكتول يرضه بالكتل ويتوسل بكتاله
اذا مو بيك اسولف انه ما موجود
لأن بس بيك اسولف كل وكت انه
تدري انته بمكانك بيه وين يصير
بس شويه اوخر تطلع هنانه
وموبس اني احبك ...انه وانه هواي
وبعد من عندي عشره أنحبك ويانه
ادري .. انته بشر بس هالخضار منين
ابو البستان شافك حرك بستانه
والورد من شاف طولك بس عليه
مريت ما يقبل بعد يكعد بسندانه
ادري شلون رأيك يعني كلنه انموت

كول انموت كلنه منيين دفانه
الحانه وداعتك سكرت ناس هواي
بس انته الوحيد السكر الحانه
بتهوفن امس لو سامعك ماصار
يم صوتك امس جاكعدت الحانه
يلوموني من اشوفك اسكت من الخوف
عمي الشاف طولك ضيع السانه
ربك بالخلق سواك بس سواك
وانه وذوله مدري شلون سوانه
لاتنطينه عين ايجوز نلهس
بيك بس انطينه جارك نشتم بدانه
بس اوكف دقايق رحمه للعباس
بس اتمر عليك اتطيب مرضانه
احنه بلايه نخوه انموت كلنه عليك
جا شنسوي اذا فد يوم تنخانه
اذا بس انته بيه الدنيه جنه اتصير
واذا مابيه انته الدنيه خربانه
انه الدوم أحبك مستحيل أنساك ...

مما راق لي

**************************************************

أفكر بيك صدك عايش بحركه. %25D8%25B5%25D9%2588%25D8%25B1%2B%25D8%25A7%25D8%25B3%25D9%2584%25D8%25A7%25D9%2585%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D8%25A9%2B-%2B%25D8%25A7%25D9%258A%25D8%25A7%25D8%25AA%2B%25D9%2582%25D8%25B1%25D8%25A2%25D9%2586%25D9%258A%25D8%25A9%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25AC%25D8%25AF%25D9%258A%25D8%25AF%25D8%25A9%2B-%2B%25D8%25B5%25D9%2588%25D8%25B1%2B%25D8%25AF%25D9%258A%25D9%2586%25D9%258A%25D9%2587%2B%25D9%2585%25D8%25AA%25D8%25AD%25D8%25B1%25D9%2583%25D9%2587%2B%25D8%25B1%25D9%2588%25D8%25B9%25D9%2587%2B-%2B%25D9%2585%25D8%25AF%25D9%2588%25D9%2586%25D8%25A9%2B%25D8%25A8%25D8%25B5%25D9%2585%25D8%25A9%2B%25D9%2586%25D8%25AC%25D8%25A7%25D8%25AD

شكد افكر بيك

شكد أفكر بيك بيني و بين نفسي
واكول اشمعنى انت.. الشاغل اضنوني
مو اول عشك حتى
تشل الحال
ولا اول جمال اتشوفك.. عيوني
شجاها الروح
يمك ذبت الاسرار
وليش ارجف عليك ..وينخطف لوني
وحتى الناس
كامت تعرف بهالحال
وما اعرف.., شكلهم من يسألوني
يطبون بصفنتي
وعنك ايدورون
ويلگوني افكر بيك… يلگوني

وصاحت كلها صاحت
انت بگت افلان
ومو عندي لگوك.. وبيك تهموني
تهموني
بمحبتك والله لو يدرون
على ضيم العلي.. ايضل يواسوني
****
ما يدرون عايفني
بمهب الريح
وانه وياك.. عفت المايعوفوني
يحبوني اشكثر
والجيتي ايتانون
واخجل من كثر ما كام… يتنوني
عفت الي شروني
ومن ارد اشلون
هم اسوة بعد... والنوب يشروني
من سمعو اهلنة
العشك دگ الباب
ما خلوك اهلك ...واهلي خلوني
ما خلوك اهلك
حگهم يخافون
بس اهلي المحبتك ..شلع باعوني

اختيار رائع
تقبل مروري

الله الله للكلام والقصائد الحلوة

تسلمون للاختيار الرائع

قصائد حلوة واختيار رائع
تسلم الايادي

**************************************************
أحلى مابيك ومن صفاتك وصلك

أروح وياك للشمس لو تريد أوصلك

ولو تصير بأخر العالم على رموشي زحف أوصللك

ميت وبشوفتك ترد الروح بيه ........

اشكركم جزيل الشكر واسمحولي بالرد بهذه
الابيات للقصائد
الرائعة

مهما يطول البعد
......ومهما بعد نفتركـ
نرجع صدك للصدكـ
......بالحب كلبنه يدكـ
تاخذنه رجفة هوه
.....وتهزنه مطرت عشكـ
وكلما يزيد الرشكـ
...اشتاك أتنفسكـــــ
...............جني أحس مختنكـ
وياخذني ساعه المرض
....اذكر شفاك الدوه
...............ودواي مجره الحلكـ
ظلينه مثل السفن
.......نبحر حبيبي بزعل
................يذبحنه روج الحزن
وكلما يطول البعد
.........وكلما بعد نفتركـ
.......نرجع حبيبي بخجل
...................نتلاكه حظن بحظن

**************************************************

زائر

ألف شكر لكَ على هذا الموضوع المميز و المعلومات القيمة

**************************************************

ألف شكر لكَ على هذا الموضوع المميز و المعلومات القيمة
إنـجاز أكثر رائــــــع

**************************************************

» طول عمرى عايش .. لوحدى!!
» أفكر وحدي
» أنا أفكر إذاً أنا موجود
» أتساءل..أفكر ..أتفلسف..على مزاجي