دارميات الشاعرة شهد الشمري
ناذر نذر لو جيت وتحظنك ايدي
لااكطع انه الشريان من نص وريدي
*****************
عشرتك انت تروح ماظنهه تبقه
مثل الكتب بالماي حبر على ورقه
**************
بسطت بيك اليوم كل قصدي اقيمك
وكبال اليضدوك ردت انه اشيمك
***************
شايل حزن بلواي شوفني حزني
من ضيمك وبلواك هالنقص وزني
*****************
مثل ام وحيد ومات...غفله بحضنها
هيجي انه روحي تشوغ ... من تجفي وياي
************
تشتد وحيل اتضيج...وتضكني دنياي
وبسكته الوجن خاف... تسمعني اعداي
***********؟***
اتعجب وبيه احتار ....دكتور الكلوب
وانطاني وصفه تكول....من العشك توب
******************
كلما المهن زين هبت علي ريح
ملتني حتى الكاع من كثر ماطيح
*****************
غربة ودربهة طويل وشمع الصبر ذاب
ما ألنة حظ وياج يا دار الأحباب
*******************
غربة ودمع همال فايض بأدينة
مشتاكة للطيبين روحي الحنينة
**************************************************
